Beartas maidir leis na Meáin Shóisialta

Beartas maidir leis na Meáin Shóisialta

Oibríonn an tÚdarás um Fhorfheidhmiú Corparáideach ar ardáin éagsúla meán sóisialta, e.g., LinkedIn agus Twitter. Ar na hardáin sin, eisímid an t-eolas is deireanaí ó am go ham chuig ár leantóirí, lena n-áirítear nuacht, preasráitis, óráidí, míreanna tráthúla, agus faisnéis faoi imeachtaí Cúirte, etc.

Níl ár gcuntais meán sóisialta ina modh cuí chun gearáin ná léirithe imní a chur isteach. Ina ionad sin, ba cheart gearáin agus léirithe imní a sheoladh chuig complaints@cea.gov.ie, agus is féidir nochtaí cosanta a sheoladh chuig protected.disclosures@cea.gov.ie. Is féidir ár bhFoirm Gearáin chaighdeánach a rochtain ónár leathanach dar teideal ‘Foirmeacha’.

Leagaimid ardleibhéal tábhachta ar chúnamh a thabhairt don phobal (nuair is féidir/ceadmhach déanamh amhlaidh) agus leagaimid ardchaighdeáin seirbhíse do chustaiméirí síos dúinn féin ina leith sin. Is iad baill foirne an Údaráis um Fhorfheidhmiú Corparáideach a bhainistíonn ár gcuntais meán sóisialta, áfach, agus, cé go bhfuil daoine ar na meáin shóisialta i dteideal a dtuairimí a chomhroinnt faoin Údarás, iarraimid orthu é sin a dhéanamh ar bhealach béasach agus measúil. Ní ghlacfar le haon drochíde ar ár bhfoireann, lena n-áirítear caint mhaslach, eascainí, ráitis chlúmhillteacha, bagairtí, ráitis atá deartha chun duine a spréachadh nó a shuaitheadh nó ráitis atá ceaptha chun gríosú.